Ana səhifə  |  Haqqımızda  Əlaqə
 
  

                        
logo-veb
 Xəbərlər
28/03 | 11:06 Azərbaycanın daha 4 boksçusu Bakıdakı beynəlxalq turnirin finalına vəsiqə qazanıb
27/03 | 17:44 Azərbaycanın qadınlardan ibarət boks millisi Bakıdakı beynəlxalq turniri 9 medalla başa vurub
27/03 | 14:40 Azərbaycanın 5 ağırlıqqaldıranı Dünya Kubokunda çıxış edəcək
27/03 | 10:41 Minifutbol çempionatı: “Zirə” növbəti qələbəsini qazanıb
27/03 | 09:59 Azərbaycanın 2 boksçusu "Böyük İpək Yolu"nda bürünc medal qazanıb
26/03 | 22:36 Azərbaycan Kuboku: "Neftçi" qrup lideri kimi yarımfinala yüksəlib
26/03 | 16:40 Azərbaycanın iki qadın boksçusu Bakıdakı turnirdə finala vəsiqə qazanıb
26/03 | 15:39 Azərbaycan avarçəkəni İtaliyadakı turnirdə gümüş medal qazanıb
26/03 | 10:36 AVRO-2024-ə vəsiqə qazanacaq sonuncu komandalar müəyyənləşəcək
26/03 | 09:37 Azərbaycanın U-21 millisi bu gün Ukraynanı qəbul edəcək
25/03 | 22:00 Azərbaycan millisi Bolqarıstan yığması ilə heç-heçə edib
25/03 | 14:21 Azərbaycanın bədii gimnastı Qazaxıstanda bürünc medal qazanıb
25/03 | 13:32 Azərbaycanın daha bir gimnastı Yay Olimpiya Oyunlarına lisenziya qazanıb
25/03 | 11:43 Azərbaycan voleybol çempionatı: XVIII turun proqramı açıqlanıb
25/03 | 10:24 Azərbaycanın üç boksçusu Bakıdakı turnirə qələbə ilə başlayıb
24/03 | 20:25 Azərbaycan cüdoçuları "Böyük Dəbilqə"ni 4 medalla başa vurublar
24/03 | 17:26 Azərbaycan gimnastları Portuqaliyada gümüş medal qazanıblar
24/03 | 15:57 Bakıda "Böyük İpək Yolu" turnirinin açılış mərasimi keçirilib
24/03 | 13:19 Azərbaycanın basketbol millisi Gürcüstanda daha iki qələbə qazanıb
24/03 | 10:31 Azərbaycanın daha bir atıcısı Almaniyada beynəlxalq turnirdə qızıl medal qazanıb
23/03 | 20:42 Azərbaycan atıcısı Almaniyada beynəlxalq turnirdə qızıl medal qazanıb
23/03 | 16:34 Bakıda 11 ölkənin iştirakı ilə “Böyük İpək Yolu” turniri keçiriləcək
23/03 | 14:55 Azərbaycan gimnastları Qazaxıstanda keçirilən turnirdə 6 medal qazanıblar
22/03 | 19:37 “Böyük Dəbilqə”: Azərbaycan cüdoçuları ilk gündə 2 medal qazanıblar
22/03 | 11:27 Azərbaycan tamblinq millisi beynəlxalq turnirdə birinci yeri tutub
22/03 | 11:15 Göygöldə həndbol üzrə Azərbaycan birinciliyinin zona yarışlarına start verilib
22/03 | 10:59 Azərbaycan paraatletika millisi Qran-pridə çıxış edəcək
22/03 | 10:11 Azərbaycanın U-21 yığması bu gün İngiltərə ilə qarşılaşacaq
22/03 | 09:37 Azərbaycan futbol millisi bu gün Monqolustanla üz-üzə gələcək
21/03 | 21:34 "Qarabağ"ın U-14 komandası Minskdə keçirilən turnirdə çempion olub
21/03 | 18:38 Fərid Fərhadzadə Madriddə Dünya Triatlon İttifaqının rəsmiləri ilə görüşüb
21/03 | 17:29 Azərbaycan stolüstü tennisçiləri Ankarada beynəlxalq toplanışa qatılıblar
21/03 | 14:31 Azərbaycan Premyer Liqasında XXIX və XXX turun proqramı açıqlanıb
21/03 | 13:30 Bədii gimnastika üzrə 29-cu Azərbaycan çempionatının açılış mərasimi keçirilib
21/03 | 13:28 Azərbaycan gimnastları beynəlxalq turnirdə finala yüksəliblər
Digər xəbərlər 
 Millətlər Liqası. C divizionu. “C” qrupu
N: Komandalar O Q H M T/F X
1 Belçika 6 5 1 0 16-3 16
2 Avstriya 7 5 1 1 15-7 16
3 İsveçrə 5 2 0 3 11-8 6
4 Azərbaycan 6 1 1 4 4-12 4
5 Estoniya 6 0 1 5 2-18 1
 Premyer Liqa. Turnir cədvəli
N: Komandalar O Q H M T/F X
1 Qarabağ 27 21 3 3 71-23 66
2 Sabah 27 11 7 9 39-32 40
3 Neftçi 27 11 7 9 34-29 40
4 Zirə 27 10 9 8 21-18 39
5 Sumqayıt 27 10 9 8 26-32 39
6 Səbail 27 10 7 10 39-41 37
7 Turan Tovuz 27 9 8 10 41-38 35
8 Araz-Naxçıvan 27 8 8 11 27-36 32
9 Kəpəz 27 7 6 14 29-47 27
10 Qəbələ 27 4 4 19 20-51 16
Son ümid folu - yeni ümidə əsas olacaqmı?
Tarix: 29.08.2018 | Saat: 08:56:00 | E-mail | Çapa göndər
BATI YAR | batyyar@mail.ru

Son illərdə futbolumuz nə qədər yerində saysa da, "Qəbələ", ələlxüsus "Qarabağ"ın Avropa klub kuboku yarışlarında əsas mərhələlərə qədər irəliləməsi sayəsində solğun ümidlər canlanmağa başlamışdı.

Lakin budəfəki Avropa uğursuzluqları fonunda futbolumuzun yenə Ağdam təmsilçisinə möhtac qalması son ümid foluna bənzəyir. Elə çempionun özünün şansını qrup ərəfəsi son matça qədər uzatması da son ümid folu dəyərindədir. Çünki Azərbaycan klub futbolunun lideri heyətə əl gəzdirmək cəhdinə çox uğursuz tərəfdən baş vurdu və əslində, bununla strateji planlamada zəif cəhətlərini üzə çıxardı. İndi "Qarabağ" öz günahı üzündən bu zərbəni dəf etmək üçün bütün diqqətini toparlamalıdır.

İlk növbədə, komandanın strateji planlaşdırmanın tərkib hissəsi kimi, həm oyunçu siyasəti, həm də oyun quruculuğunun düzgün olmadığı açıq-aşkardır. Yeni mövsümün debüt görüşləri tamam-kamal iş qurulmadığını əyani nümayiş etdirdi. Söhbət transfer edilmiş yeni oyunçuların keyfiyyətindən getmir. Bunu zaman göstərəcək. Əsas məsələ, onların heyətə uyğunlaşmasıdır. "Qarabağ" “at”ını artıq elə bir səviyyədə çapır ki, oyunçu əldə etməzdən əvvəl planlı şəkildə özünə uyğun gələnləri zərgər dəqiqliyi ilə seçməlidir. Çempionlar Liqasının qrup mərhələsinin dadını duymuş klub böyük futbolun bir parçası olmaq üçün Avropanın aparıcı olmasa belə, orta səviyyə təmsilçilərinin nümunəsindən örnək götürməlidir. Heç olmasa, bir transfer uyğunlaşma baxımından özünü doğrultmursa, deməli, iş kökündən düzgün qurulmur. İllərdir bu mənzərə dəyişmir. Hər transfer dövründə oyunçu baxımından səhvlərə yol verdiklərini israrla qeyd edirik. Futbolçu təkcə klubun imkanlarına görə deyil, həm də üsluba, tərzə uyğun araşdırılıb alınmalı və ya seçilməlidir. Kortəbii mövqe transferləri təklifdən asılı olaraq, həll edilir. Hər hansısa klubumuzun konkret oyunu izinə düşməsini görməmişik. Belə olanda, "tutar qatıq..." məsəli gündəmə gəlir.

Bu mənada indiyədək konkret strateji hədəf də olmayıb. Əvvəlcə, "Qəbələ", indi də "Qarabağ" bu yolda uğursuzluğa düçar olur. Hərçənd rəsmi mövsümün açılış qarşılaşmasından sonra "Qarabağ"ın oyun planında nisbətən irəliləyişə nail olması ümid vermişdi. Bu tempin davam etməməsi məhz oyunçuları ampluasına görə heyətə götürərək, potensial uyğunlaşma imkanlarına göz yumulmasıdır. Bu səbəbdən Emeqara fəal olsa da, hələ də faydalı iş əmsalı çox aşağıdır. Slavçev isə sanki dənizdə tənha gəmidir. Delarjın nəyi harada axtardığı bilinmir və s. Bunlar məşqçi korpusunun natamam işinin məhsuludur.

BATE ilə görüşlərdə "Qarabağ" çox aciz göründü. Hərçənd hər iki oyun da göstərdi ki, rəqibdən zəif deyil. Bəzi məqamlarda hətta üstündür də. Lakin meydanda sanki uduzmuş deyil, bir top fərqilə qalib gəlmiş "Qarabağ" var idi. Qəribə təzadla Belarus çempionu istədiyini asanlıqla gerçəyə çevirdi. Buna tək heyətin yeni yığılması səbəb göstərilə bilməz. Məsələ daha dərindir - məşqçi korpusunun da buraxdığı səhvlər iki oyunun cəminə görə acınacaqlı minimal məğlubiyyətdə az rol oynamadı.
İlk oyunun səhvlərindən səfərdə nəticə çıxarılmadısa, daha bir problemdən söz aça bilərik. Açığı, əvvəlki illərdə də bu məsələni dəfələrlə qabartmışıq: rəqiblər ciddi təhlil edilmir. Amma bu il hətta ən zəif rəqib belə "Qarabağ"ı çözə bilmişdi. Sükançının özünün ətrafında hər oyunu çözə biləcək mütəxəssis komandası formalaşmayıb. Məşqçilər yerində və tamam-kamal olmayanda, nəticələr də alayarımçıq olur. Təhlil gücü üçün bu komandanın Qərb futbolundan köməkçi kimi sanbalı olan məşqçiyə kəskin ehtiyacı var. İndi gücsüzlük konkret matçlarda özünü büruzə verir. Bunu da əvvəldən gün kimi görmək çətin deyil: rəqiblər "Qarabağ"ın illərdir formalaşmış oyununu görür və buna hazırlaşırlar. Çünki Avropa arenasında əldə olunan uğurlar son illərin əvəzedilməz Azərbaycan çempionunun ciddi qəbul olunmasını təmin edib.

Daha bir məsələyə də nəzər salaq. Son günlər adı çox hallandırılan Rəşad Sadıqovun ifrat yüklənməsi sözünü deyir. Məncə, kapitan artıq qərar verməlidir: məşqçilik, yoxsa oyunçu karyerası. Çünki bir əldə iki qarpızla o, yalnız Azərbaycan çempionatında jonqlyorluq edə bilər. Avropa səhnəsində hətta orta səviyyədən də aşağı klublarla qarşılaşmalarda bunun əks effekti, yorğunluq və s. özünü büruzə verir. Müstəqillik dövründə yetişmiş ən istedadlı futbolçularımızdan biri karyerasını heç də xoş olmayan notlarla başa vura bilər və illərlə zəhməti hesabına qazandığı nüfuzu qurban verməməlidir. Əgər "Qarabağ" ona əvəz tapa bilmirsə, deməli, yenə menecment sahəsindəki boşluqdan danışmalıyıq. Maraqlıdır, ardıcıl Avropa təcrübəsi bu komandaya yenədəmi normal futbol sistemini qurmağı öyrətmədi? Sanki 90-cı illərin futboluna qayıdrıq və yerli bazarda fərqlənə biləcək bir heyət qurulur. Bəs illərlə formalaşdırılmış heyət nəyə lazım idi? Onu inkişaf etdirmək lazım ikən, nəsil dəyişikliyini təqib etmək, inqilabi deyil, təkamüllə heyətə əl gəzdirmək əvəzinə, klub indi ən yaxşı halda yerində sayacaq. Hələ unutmayaq ki, "Qarabağ" həm də milli futbol komandamızın baza klubuna çevrilib - baş məşqçisi əsas millinin sükanı arxasındadırsa, başqa fikirlər söyləməyə də dəyməz. İstəsək də, istəməsək də yığmanın bütün planları bu klubun bazasında cızılacaq. Boşluqlar mənfi təsirini hər iki cəbhədə göstərəcək. Hələ, üstəlik, diqqət edin: oynayan məşqçi Rəşad Sadıqov öz üzərinə Qurban Qurbanovdan da ağır yük götürüb. Sadəcə, bunun fərqində deyil, ya da özünü supermen hesab edir.

Bu qeydləri ona görə indi qələmə alırıq ki, "Şeriff"lə cavab matçının nəticəsinə görə qol çırmaladığımız zənn edilməsin. Əlbəttə, yazdıqlarımız qarşıdakı matçda Ağdam təmsilçisinin məğlub olacağına işarə deyil. Əksinə, qalib gələcəyi təqdirdə artıq hər şeyi 180 dərəcə dəyişmək üçün “arifə bir işarə”dir. Bu dəfə də komanda buraxdığı səhvlərdən nəticəni mütləq çıxarmalıdır, yoxsa son üç ildə "Qəbələ" haqqında dediklərimizi onun haqqında da söyləyə bilərik. Belə də sonu bəllidir: "Qəbələ"nin düşdüyü vəziyyətə baxın. Ondan əvvəl bu aqibəti daha betər yaşayanları da xatırlayıb, qarşıdakı oyunu klub futbolumuzun son ümid folu da adlandıra bilərik - məcazla desək, qapıçı təkbaşına bütün komandanın yeganə ümidinə çevrilib.
"Qarabağ" vəziyyəti xilas etmək üçün mütləq bir həftə ərzində hətta futbola ənənəvi baxışını dəyişməliydi. Məşqçi korpusunun öz düşüncə tərzinə, təxəyyülünə əl gəzdirməsi bundan sonrası üçün lazımdır. Təbii ki, həm də yığmanın sükançısı olan bir mütəxəssis üçün çətin məqamlardır.

Deyilənə görə, ümid sonda ölür. Sözsüz ki, ölən hər ümidin yerində yenisi parlmağa başlayır. Bircə o fərqlə ki, Azərbaycan futbolu üçün budəfəki ümid ölərsə, nəticəsi ağır olacaq. Çünki hər şeyi yenidən - sıfırdan, təzə səhifədən başlamaq lazım gələcək.

"Şeriff"ə qalib gəlməyin yolları da çox sadədir. Bunu səfər matçı əyani göstərdi. Rəqib "Qarabağ"ın zəif-güclü tərəflərini yaxşı öyrənə bilsə də, moldovalıların hələ də gücsüz qala biləcəyi detallar var. Bu səbəbdən "Qarabağ" son ümid folunu qırmızı vərəqəsiz alıb.

Gəlin qısa nəticə müqayisəsi aparaq. Fikrimcə, Belarusdakı oyunda ev sahibi öz gücü ilə "Qarabağ"a az, ya çox sinə gərə bilmişdisə, Moldovada tam tərsi oldu - "Qarabağ" özü-özünə uduzdu.

İndi komanda özünə də, iradəsinə də, tamahına da qalib gələrsə, çox fərqli şəkildə rəqibi Bakıdan, kobud desək, təpəsi aşağı yola sala bilər.

Qarşıdakı matçda hər şey məşqçi korpusunun quracağı və əvvəlkindən fərqlənəcək taktiki gedişlərdən tam asılı olacaq. Hələ də cinahların tam şəkildə qurucu oyuna qoşulmasını gözləyirik. Hələ də oyunun iki fərqli zonadan - müdafiə və ön xətdən ibarət olmadığını, komanda oyunu üçün, yeri gələndə, arxadan qurula biləcək hücum, ya da öndən qurulacaq müdafiə dəst-xəttini görmək istəyirik. Müdafiəçilər, sadəcə, quruculuqda iştirak və say artırmaq xatirinə toplaşmamalıdırlar. Hər oyunçu konkret idarəedici və yönəldici funksiyasını bilməlidir. Zonadan-zonaya keçidlər, sadəcə, topun bir yerdən o biri tərəfə ötürülməsi deyil. Oyunçular taktiki gedişlərin tərkib hissəsi olmalıdır. Bu isə məşqlər zamanı Qurban Qurbanovun təlimatı ilə köməkçilərinin əsas vəzifəsiqə çevrilməlidir. Ancaq bunu nə hiss edir, nə görürük. Elə transferlərin oturuşmaması bundan irəli gəlir.

Bir həqiqət də var: "Şeriff"i keçmək futbolumuza çox lazımdır. Fəqət səhvlərdən dərs çıxarılmayacaqsa, komanda yenə mədhiyyələrə uyub, hər şeyi unudacaqsa, o ucalığa dırmanmağa dəyməz.

"Şeriff" üzərində qrupa vəsiqə qələbəsi son ümid foluna münasibəti formalaşdıracaq: həmin ümid sonluqda öləcək, yoxsa dirçələcək? Məğlubiyyət bu ümidi, əlbəttə, öldürəcək və yenisinin özünü doğruldub, təsdiqlədib və nəhayət, qəbul etdirib həqiqətə çevrilməsi üçün daha bir neçə mövsüm hədər gedəcək.

BATI YAR

Xəbər 1446 dəfə oxundu



 
Müəllifin son yazıları

14.09.2021 “Qarabağ" iki-üç cəbhədə mübarizəyə hazır kimi görünür
14.09.2021 Uduzmaq ayıb deyil, amma...
07.09.2021 Hətta nağıllar reallıqla bitir: üç alma yerə düşür
07.09.2021 Avrokuboklar: Yalnız “Qarabağ"la
07.09.2021 “Araz" tarixinin 16-cı əsas yarışında
24.08.2021 “Paris-2024": əsas yarış məqamlarına aydınlıq gətirilir
24.08.2021 Avrokuboklar: Sapı iynənin gözündən keçirmək olsa
24.08.2021 Daha bir qarışıq-natamam mövsümə doğru
23.08.2021 Ya qalib, ya da ən yaxşı ikinci olmaq lazımdır
10.08.2021 Əlvida, “Tokio-2020"!


  Arxiv
Fotogalereya
  • Rafiq Hüseynovun qələbə sevinci
  • İrina Zaretska Karate 1 Premyer Liqa seriyası yarışında qızıl medal qazanıb
  • Azərbaycan cüdoçusu qızıl medal qazanıb
  • İrina Kindzerska Tokio Olimpiadasının yarımfinal mərhələsinə yüksəlib
  • Mariya Stadnik ardıcıl dördüncü Olimpiadada mükafatçılar sırasında yer alıb
  • Zöhrə Ağamirova Tokio olimpiadasında halqa ilə çıxışını təqdim edib
  • Azərbaycanın qrup hərəkətləri komandası toplarla çıxışı Tokio olimpiadasında
  • Azərbaycan idmançıları Tokio olimpiadasında
  • Azərbaycan idmançıları Tokio olimpiadasında
  • Rafiq Hüseynovun Tokio Olimpiadasında qələbə sevinci
"İdman" qəzeti
"İdman" qəzeti, №21, 12 oktyabr 2021
"İdman" qəzeti, №20, 28 sentyabr 2021
"İdman" qəzeti, №19, 14 sentyabr 2021
Aylıq bületenlərimiz
son sayımız əvvəlki sayımız
İdman qurğuları
Partnyorlar
Sayt Mozilla Firefox, Opera və Internet Explorer ilə tam dəstəklənir.
© 2011İDMAN. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
Designed by V.Aliyev
Ünvan: Bakı şəhəri, Nərimanov rayonu, Sülh küçəsi, 2A
İndex: AZ 1072
E-mail: idman-sport@mail.ru