| Xəbərlər |
|
|
|
| Digər xəbərlər |
|
| Millətlər Liqası. C divizionu. “C” qrupu |
| N: |
Komandalar |
O |
Q |
H |
M |
T/F |
X |
| 1 |
Belçika |
6 |
5 |
1 |
0 |
16-3 |
16 |
| 2 |
Avstriya |
7 |
5 |
1 |
1 |
15-7 |
16 |
| 3 |
İsveçrə |
5 |
2 |
0 |
3 |
11-8 |
6 |
| 4 |
Azərbaycan |
6 |
1 |
1 |
4 |
4-12 |
4 |
| 5 |
Estoniya |
6 |
0 |
1 |
5 |
2-18 |
1 |
|
| Premyer Liqa. Turnir cədvəli |
| N: |
Komandalar |
O |
Q |
H |
M |
T/F |
X |
| 1 |
Qarabağ |
27 |
21 |
3 |
3 |
71-23 |
66 |
| 2 |
Sabah |
27 |
11 |
7 |
9 |
39-32 |
40 |
| 3 |
Neftçi |
27 |
11 |
7 |
9 |
34-29 |
40 |
| 4 |
Zirə |
27 |
10 |
9 |
8 |
21-18 |
39 |
| 5 |
Sumqayıt |
27 |
10 |
9 |
8 |
26-32 |
39 |
| 6 |
Səbail |
27 |
10 |
7 |
10 |
39-41 |
37 |
| 7 |
Turan Tovuz |
27 |
9 |
8 |
10 |
41-38 |
35 |
| 8 |
Araz-Naxçıvan |
27 |
8 |
8 |
11 |
27-36 |
32 |
| 9 |
Kəpəz |
27 |
7 |
6 |
14 |
29-47 |
27 |
| 10 |
Qəbələ |
27 |
4 |
4 |
19 |
20-51 |
16 |
|
|
|
| Ağacan Abiyev: Bir gümüş, bir bürünc medal komandamız üçün yaxşı göstəricidir MÜSAHİBƏ |
|
|
Tarix: 24.08.2016 | Saat: 12:57:00 | E-mail | Çapa göndər
|
|
İdman üzrə dördilliyin növbəti zirvə yarışı tarixin daha bir şanlı səhifəsinə çevrildi. Müstəqil Azərbaycan özünün olimpiadalar tarixində ən böyük nailiyyətini qazandı. Təmsil olunduğumuz idman növləri arasında boksda uğurlu nəticəmizi xüsusi qeyd etməliyik. Milli Olimpiya Komitəsinin baş katibi, Boks Federasiyasının vitse-prezidenti Ağacan Abiyevlə görüşüb komandamızın çıxışı ilə bağlı fikirlərini bölüşməsini xahiş etdik.
- Ağacan müəllim, müstəqil Azərbaycanın milli yığması olimpiya oyunlarında növbəti çıxışını etdi. Rio Olimpiadasında komandamızın iştirakı ilə bağlı nə deyə bilərsiniz?
- Növbəti olimpiada yeni imkanlarımızı üzə çıxardı. 56 idmançıdan 18-i medal qazandı. Əgər ötən olimpiya oyunlarıında 2-3 idman növündə medal əldə etmişdiksə, bu dəfə medal əldə edilən növlərin sayı 5-ə çatdı. İlk dəfə medal qazandığımız taekvondoda biri qızıl olmaqla birdən-birə üç medal əldə etdik. Ənənəvi idman növlərindən başqa, avarçəkmə kimi yeni olan növdə də tarixi nailiyyətə imza atdıq. Bundan başqa, cüdo, güləş, boks idman növlərində də böyük uğurlar əldə etdik. Bütün bunlar Azərbaycanda Olimpiya hərəkatının yüksək səviyyədə inkişafından xəbər verir.
- Boksçularımız bu olimpiadada çox güclü heyətlə təmsil olunmuşdular. Komandamızın tərkibində olimpiya mükafatçıları, dünya və Avropa çempionları var idi. Sizcə dəri əlcək ustalarımız ümidləri doğrultdular?
- Əlbəttə. Boksçularımız ötən olimpiya oyunlarındakı medalların keyfiyyətində müsbətə doğru dəyişiklik etdilər. Bir gümüş, bir bürünc medal komandamız üçün yaxşı göstəricidir. Düzdür, nəticələr daha yüksək ola bilərdi. Bunun üçün zəmin və əsaslar da var idi. İdmançılarımızdan ikisi, ya da üçü döyüşlərini, ola bilər, yaxşı qurmadılar. Rəqibləri onlardan həm titullarına, həm də imkanlarına görə geri qalırdılar. Amma əldə edilən nəticə uğurludur. Ümumiyyətlə, olimpiya oyunlarında zəif idmançı iştirak etmir. Bunu zaman-zaman yarışlardakı sürprizlər də sübut edir. Bir də görürsən ki, ən güclü idmançı zəif hesab etdiyi rəqibə uduzur. İdmanın özəlliyi də elə bundadır.
- Qeyd etdiniz ki, idmanın özəlliyi, həm də sürprizlərlə zəngin olmasındadır. Azərbaycan yığması üçün belə sürprizlər oldumu?
- Əlbəttə. Yığmamızın üzvü Kamran Şahsuvarlı bizim üçün yeni kəşf idi. Yarışlarda rəqibləri kifayət qədər güclü, adlı-sanlı boksçular idilər. Qazaxıstanın dünya çempionuna, Rusiyanın Avropa çempionuna qalib gəldi. Bürünc medal qazanana qədər ciddi görüşlər keçirdi. Son döyüşdə kubalı idmançı ilə qarşılaşmadan məğlub ayrıldı. Düşünürəm burada psixoloji amillər də mühüm rol oynadı. Ümumiyyətlə, kubalıların adı gələndə gənc boksçular çəkinirlər. Onlar döyüşlərdə bərkiməlidirlər ki, bu cür ciddi rəqiblərin öhdəsindən gəlsinlər. Ümumilikdə, Kamranın çıxışını yüksək qiymətləndirirəm.
- Uzun müddət boks üzrə dünyanın ən nüfuzlu yarışlarında hakimlik etmisiniz. Eləcə də Olimpiya Oyunlarında boks yarışlarının baş hakimi kimi ədaləti qorumusunuz. Rio Olimpiadasında hakimliklə bağlı nə deyə bilərsiniz?
- Ümumiyyətlə, boks yarışları son vaxtlar ən çox qalmaqal baş verən idman növü kimi diqqətdədir. Burada rinq hakimləri mühüm rol oynayır. Rinq hakimləri idmançıya çox yaxın olduqları üçün baş verənləri daha aydın görə bilirlər. Onlar idmançının sağlamlığını həkimlərdən daha çox qoruya bilərlər. Rinq hakimi ağır zərbədən sonra döyüşü dərhal dayandırmalıdır. Dünya çempionatında hakimin diqqətsizliyindən M. Məcidov rəqibini dərin nokauta saldı. İdmançımız onsuz da xal hesabı ilə qabaqda idi. Rəqibini noqdauna salmışdı. Hakim yarışı dayandırıb bir qədər gözləyə bilərdi. Amma saxlamadı və növbəti zərbə nokautla nəticələndi. Bu dəfə bu hal idmançımızın özü ilə baş verdi.
Məhəmmədrəsul Məcidovun, demək olarki, bəxti gətirmədi. Belə idmançılar olur. Onlar güclü olsalar da zədələrinə görə döyüşü davam etdirə bilmirlər. Məcidovun qaşı partladığı üçün döyüşdən kənarlaşdırıldı. O daha əvvəl I Avropa Oyunlarında zədə almışdı. Rəqibi başla üzünə zərbə endirmiş, almacıq sümüyünü sındırmışdı. Bu çox ciddi zədə idi. Belə oluqda idmançılar psixoloji gərginlik də keçirirlər ki, bu da mübarizəyə mane olur.
Ümumiyyətlə, belə zədələr çox zaman hakimlərin səhlənkarlığı üzündən baş verir. Son vaxtlar belə bir tendensiyaya üstünlük verirlər. Peşəkarlarda olduğu kimi, döyüşlərin gərgin keçirilməsinə səy göstərirlər. Guya bu zaman boks daha baxımlı və maraqlı olur. Digər tərəfdən peşəkarların həvəskarlarla eyni rinqi bölüşmələri də düzgün deyil. Həvəskar və peşəkar boks qaydalarına görə ciddi fərqlənirlər. İlk olimpiada idi ki, boksçular maskasız döyüşürdülər. Qeyd edim ki, boksçuların dəbilqədə döyüşmələri bir sıra ciddi zədələrin qarşısını almaqda mühüm əhəmiyyətə malik idi. Şübhəsiz, bununla bağlı AİBA ölçü götürməlidir.
- Yığma komandanın hazırkı forması ilə bağlı nə deyə bilərsiniz?
- Komandanın yarıdan çoxu hələ gəncdir. Karyeralarını davam etdirə bilərlər. Bundan başqa, yeniyetmə və gənclərdən ibarət komandalarımızda da istedadlı boksçular yetişir. Onların öz peşəkarlıqlarını artırmaları üçün hər bir şərait var.
2009-cu uldə Kəmaləddin Heydərov Boks Federasiyasının prezidenti seçildikdən sonra bu növün inkişafı istiqamətində böyük işlər görülüb.
Müstəqillik dövründə qazandığımız 5 qızıldan 3-ü məhz, son illər əldə edilib. Qeyd edim ki, boks ustalarımız komanda hesabında 2011-ci ildə Bakıdakı dünya çempionatında "üçlük"də təmin etdiyi yeri Qazaxıstan və Qətərdə keçirilən dünya çempionatlarında da qoruyub saxladılar. Şübhəsiz, bu nailiyyətlər ötən illər boksun inkişafı istiqamətində görülən işlərin bəhrəsidir.
Bakıda və bölgələrdə müasir bazaların inşa edilməsi güclü potensiala malik idmançıların yetişməsinə səbəb olub. Demək olar ki, əksər bölgələrimizdə həm yarışlar, həm də məşqlərin keçirilməsi üçün hər cür imkan var.
Boks elə bir idman növüdür ki, onunla məşğul olan kiçik yaşlarından fiziki hazırlığını artırmalıdır. Yeniyetməlikdən Avropa və dünya çemponatlarında iştirak etməli, böyük yarışlarda bərkiməlidir. Bu mərhələlərdən keçən idmançılar böyüklər arasında yarışlarında qələbə qazana bilərlər. Yeniyetmə və gənclərin yarışlarında iştirak etməyən boksçular üçün birdən-birə kişilər arasında mübarizə aparmaq çətin olur. Belə yarışlarda uğur qazanan idmançıları hamı tanıdığı üçün rəqiblər də onlardan çəkinirlər.
Təbii ki, yaradılan şərait komandamızın dünyanın ən güclü yığmaları sırasında bundan sonra da yer almasına səbəb olacaq.
Müsahibəni apardı,
Leyla QURBANOVA
|
|
| |
|
Xəbər 2041 dəfə oxundu
|
| Bölməyə aid digər xəbərlər |
| |
|
|
|
|
|
