Bu gün Rusiyanın paytaxtı Moskvada güləş üzrə Avropa Millətlər Kuboku turniri start götürür. Komanda yarışı xarakterli turnirdə Azərbaycanla yanaşı, Rusiya, Türkiyə, Ukrayna, Belarus, Macarıstan, Bolqarıstan, İsveç yığmaları iştirak edir.
İlk gün qadın güləşçilər mübarizə aparacaq. Reqlamentə əsasən, komandalar iki yarımqrupda yarışacaq. Yarımqrupda birinci yeri tutan komandalar finalda qarşılaşacaq.
Püşkatmanın nəticələrinə əsasən, Azərbaycan güləşçiləri Ukrayna və Bolqarıstanla eyni yarımqrupda mübarizə aparacaq. Digər yarımqrupda Rusiya, İsveç və Belarus komandaları yarışacaq.
Qrup görüşləri Bakı vaxtı ilə 7 noyabr saat 14:00-da başlayacaq.
B yarımqrupu
1-ci görüş - AZƏRBAYCAN - Bolqarıstan
2-ci görüş - AZƏRBAYCAN - Ukrayna
Bu yarışda yığmamız baş məşqçi Semyon Çterev, böyük məşqçi Konstantin Konorevin rəhbərliyi altında mübarizə aparır. Heyətdə Ayan Məmmədova (48 kq), Patimat Baqomedova (53 kq), Solmaz Həşimzadə, Alyona Kolesnik (hər ikisi 55 kq), İrina Netreba (58 kq), Nataliya Şinişin (60 kq), Elmira Qəmbərova (63 kq), Nadya Sementsova (69 kq), Səbirə Əliyeva və Gözəl Zutova (75 kq) yer alıb.
|
